الورقة الي جننت البنات

من طرف ضياء الروح الإثنين أبريل 28, 2008 5:07 pm

الورئـــة
اللــي جـــــننت الــــبنات

(بلغة الخلايله)

بؤلك في عجوز على فراش الموت وما عندها إلا ولد واحد .... وهي على فراش
الموت
حكت له وصية
حود ياوليدي الورقة هاي ... وأي بنت تشوفها ( بأي مكان ) إفتح لها الورقة ( وخليها تئراها )
وياويلك (( إذا ئريت اللي فيها )) أنت ما تشوفها
ماتفتح الورقة .... إلا إذا وافتك المنية ... وقربت تموت
حكالها ولايهم شواربك يمااا ....... وماتت الأم ====> رحمة الله عليها
... وحزن الولد حزن شديد .... وضاق صدره

بعد مده .... حكى لازم أنفذ وصية أمي
طلع ع الشارع .... وبالصدفة وهو ماشي من عند ( محل كافي )
قال يالله ... اضرب لي فنجال ائهوة أعدل الراس فيه
دخل ع المطعم ........ طلب ئهوة
اجى الجرسون جنبوا طلع الجرسون( بنت)... وقدمت له الئهوة
وهو بشرب الئهوة ... قال ليش ما افرجيها الورئه... فكرة والله
قام أخينا بالله وفتح لها الورقة

البنت على طوووووول ... قامت تصرخ عليه
ياللي فيك ومافيك ... ياخسيس .. ياحقير
ياقليل الأدب .... يا عديم الذمة يا عديم الضمير ... يا منحط ... ياسافل
وبلشت فيه من شغل النسوان والبنات يعني ع ابو لسان طويل شرشحتوا من فوئوا لتحتوا يا وئح يا سافل من هل الحكي الحلوا الله وكيلكوم

الزلمه .... طار عئلوا (مستغرب)... ما عم يعرف شو
بهل الرساله
جاء صاحب الكافي .... وحلئلوا ع الزيروو .. يعني طردواا
المسيكين ضاق صدره ... وحزت في خاطره

حكى أكيد البنت هاي متل اغلب البنات مجنونة ... أكيد فيها شي

طلع من الكافي ... ومشي في الشارع ... وبالصدفة لقى ملاهي ... قال بدي ادخل عليها
دخل الملاهي ... وراح يلعب فيها
راح إلى لعبة تصادم السيارات ====>بحبها الزلمه من يوم ما كان صغير
مالقى ولا سيارة فاضية .... شافته بنت ... قالت له .. تعال إركب معاي
الرجال إنبسط ... فرح ... الك نئشت معي بنت ... ركب معاها ... وصار يلعب
وع برم ... واخر روااء معها .. يعني كلام زاكي
وبالأخير .... عزمته على آيسكريم .... إنهبل ... طئوا لفيوزات معوا
راحوا يشترو آيسكريم ... وبلش برم معها متل الرداحات
حكى بدي افرجيها الورئه ... أكيد بتختلف عن البنت اللي في الكافي ... فتح لها الورئة

البنت على طوووووول
ياللي فيك ومافيك ... ياخسيس .. ياحقير
ياقليل الأدب .... يا عديم الذمة يا عديم الضمير ... يا منحط ... ياسافل
يعني لعنت سلسبيلوا ما خلت فيه لا حكى منيح ولا عاطل

كمان الزلمه ... ما بعرف شو الئصه
ونفسه يقرأ اللي في الورئة ... لكن أمة ... محذرته
راح ع بيت ... مر على مطعم ... قال ليه ما أتعشى
طلب عشاء مئلوبة .. مخ خليلي .. وحارة تحته كمان
المهم راح ع البيت ونسف هل الاكل اتعشى وعباا راسوا

بالليل اشتغل شغل البطن معوا ... صار يتوجع ... الظاهر ( زايدة )
طار للمستشفى ... سووا له عملية زايدة
لما صحى من النوم ... شاف الممرضة ئدامه... قال أكيد هاي بتختلف عن البائيات
هي بترحمني ... أنا مريض ... وراح تعطف علي

وقام أخينا بالله ... وفرجاها الورئة

البنت على طوووووول
ياللي فيك ومافيك ... ياخسيس .. ياحقير
ياقليل الأدب .... يا عديم الذمة يا عديم الضمير ... يا منحط ... ياسافل

يا صرصور ... يا ضفيضدع... من هل المدح
وزتتوا برا المستشفى

إنهبل الزلمه ..... جن جنونه .... قال مالي قعود بالبلد هاي ..... أكيد كلهن مجانين
مالي إلا السفر ..... خارج البلد
حجز تذكرة ع اول رحلة خارج البلد .... ركب الطيارة
وقعد في الكرسي ... اجت المضيفة تخدمــه ====>بنت ...
تسمسم ادامها .. وزبط حالوا ع اخر رواااء
جابتلوا العصير ... وقال بإذن الله راح افرجيها الورئة

أكيد هون البنات .. طبئتهم فوووووق ... لأن مستواهم عالي .. ومحترمين
هدول بنات عايشين ع الشوكولاته... وع الشوكو

فتح الورئة لها .......... والبنت على طوووووول
ياللي فيك ومافيك ... ياخسيس .. ياحقير
ياقليل الأدب .... يا عديم الذمة يا عديم الضمير ... يا منحط ... ياسافل
يا جزمه نمره 43 .. يا طبل ... يا سطل

والله لانادي لك السوبرفايزر ... اشكيك ل الوا
جاء السوبرفايزر ... وسمع الئصة من المضيفة
قال ..... أبداً .... أبداً .... مالك قعود بالطيارة هذي ... أبداً
ما فيه إلا حل واحد ........ مافيه غيره .... نرميك من عند باب الطيارة

إنهبل الرجال وإنفئعت مرارته .... وكمان ما عم يعرف شو بهل الورئه
حكالهم خلص مصرررررين تعزئوني من باب الطياره
حكوا أبد ... من عند الباب ... قال شكواي إلى الله
اللهم إني أنفذ وصية أمي ...... طيب ... أنا عندي طلب ممكن ...... حكولوا

تفضل

حكا لهم ... وأنا واقف عند الباب .... قبل ما تدفعوني ع الأرض .... بدي أقراً الورئة
لانوا امي اصتها كذا وكذا ... وحكالهم إنوا أمة موصيته إنه مايقرأ الورئة ... إلا إذا اجى يموت
وهو أكيد راح يموت لأنوا بدو يندفش من باب الطياره .. ما في مجال

أخينا بالله أول ما إنفتح الباب ... فتح الوررئة

شو صار فكركم

التيس

لا والله مئصر بحقوا انا

لحمار

طيييييييييييييييييييييييييييييييييييير الورئه

وزتوااااااااااااااااا من الباب وراح فيها ومات

وما عرف شو في بهل الورئه

حرااااااااااااااام ...... والله رحمته

حرئت اعصابكم صح... ((خخخخخخخخخخخخخخخخخخخخخخخخخخخخخخخخ))

بعرف بدكو انزت زيوا من الطياره
بس هذا حال الفضوليين هههههههههههههههههههههههه

من طرف **Oriole** الإثنين أبريل 28, 2008 6:36 pm

لا حول ولا قوة الا بالله

الله يسامحك .. الله يسامحك وكمان مرة الله يسامحك

حرقتي أعصابي وبالآخر على شي فاضي

بس يسلمو كتير

من طرف ضياء الروح الثلاثاء أبريل 29, 2008 6:11 pm

مشكورة على المرور واتعيشي وتوكلي غيرها

من طرف **لحظة امل** الثلاثاء أبريل 29, 2008 6:33 pm

ييييييييييييييي على خفة الدم انا
بس امانة ما عندك فكرة شو كان موجود بالورقة

ههههههههههههههههه
يسلمو ايديك

من طرف سلينا الثلاثاء أبريل 29, 2008 9:58 pm

هههههههههههههههه انا بعرف شو كان فيها اصلا ههههههههه

يسلمو

من طرف ضياء الروح الأربعاء أبريل 30, 2008 4:47 pm

مشكورين ع المرور
وتعيشي وتاكلو غيرها :P

يسلموا يخي على هالاشي الجد مستفز

ةةة

ويسلمولنا هالايدينا ونردها بالافراح يا رب

و يا جماعة شوي شوي على الشب مالكم ما صدقتوا وانتوا تفشوا غلكم فيه
:cyclops: الحق عليه الي حب يثبتلكم انكم فضوليين لدرجة

وتحيتي للجميع والف تحية الك اخي ضياء الروح

الورقة الي جننت البنات

الورقة الي جننت البنات

رد: الورقة الي جننت البنات

رد: الورقة الي جننت البنات

رد: الورقة الي جننت البنات

رد: الورقة الي جننت البنات

رد: الورقة الي جننت البنات

رد: الورقة الي جننت البنات